Ավստրիացի հարձակվող Մարկո Արնաուտովիչը ազատ գործակալի կարգավիճակով միացել է Բելգրադի «Ցրվենա Զվեզդային», հայտնում է սերբական ակումբի մամուլի ծառայությունը։
36-ամյա ֆուտբոլիստի պայմանագրի մանրամասները չեն հրապարակվել։ Այս տարվա հունիսին Արնաուտովիչը լքել էր Միլանի «Ինտերը»՝ պայմանագրի ժամկետի ավարտի պատճառով։
Անցած մրցաշրջանում նա «Ինտերի» կազմում մասնակցել է 28 հանդիպման՝ խփելով 7 գոլ և կատարելով 2 գոլային փոխանցում։
Նախկինում Արնաուտովիչը հանդես է եկել «Բոլոնիայի», «Վեսթ Հեմի», «Սթոուք Սիթիի», «Վերդերի» և «Տվենտեի» կազմում։
