Ֆրանսիայի հավաքականի հարձակվող և ավագ Կիլիան Մբապեն, որը խաղում է «Ռեալ Մադրիդում», խոսել է այս տարի «Ոսկե գնդակը» նվաճելու իր հնարավորությունների մասին։
«Ես հավակնո՞ւմ եմ «Ոսկե գնդակին»։ Ես ունեմ կարծիք, բայց դա քիչ բան է նշանակում։ Միակ տիտղոսը, որի վրա կարող եմ ազդել, «Ոսկե խաղակոշիկն» է, քանի որ այն կախված է իմ ոտքերից։ «Ոսկե գնդակը» կախված չէ ինձնից», — Մբապեի խոսքերն է մեջբերում RMC Sport-ը X սոցիալական ցանցում։
Ակումբային ավարտված մրցաշրջանում Մբապեն մասնակցել է 56 խաղի, խփել 43 գոլ և կատարել հինգ գոլային փոխանցում։ Ֆուտբոլիստի ներկայիս աշխատանքային պայմանագիրն իր ակումբի հետ ուժի մեջ է մինչև 2029 թվականի ամառը։ Transfermarkt ինտերնետային պորտալում տրամադրված տեղեկատվության համաձայն՝ 26-ամյա ֆուտբոլիստի շուկայական արժեքը կազմում է 170 միլիոն եվրո։
