Անգլիական ակումբները դիմել են Սաուդյան Արաբիային ներդրումներ ստանալու համար

Սաուդյան Արաբիան, որը վերջին տարիներին ակտիվորեն ներգրավված է համաշխարհային ֆուտբոլում, կարող է սկսել ներդրումներ կատարել անգլիական ակումբներում։

Ըստ Sky Sports-ի՝ Չեմփիոնշիփի մի քանի ակումբներ և Պրեմիեր լիգայի մեկ թիմ դիմել են Սաուդյան Արաբիայի Ժամանցի գլխավոր վարչության ղեկավար Թուրքի ալ Շեյխին՝ ներդրումներ ստանալու համար։

Թեև Թուրքի ալ Շեյխը մինչ այժմ ներդրումներ չի կատարել անգլիական ֆուտբոլում, նրա բիզնես հետաքրքրությունները բավական լայն են, և այս դիմումները կարող են հանգեցնել համագործակցության։

Հիշեցնենք, որ ներկայում Սաուդյան Արաբիայի կապիտալով միակ անգլիական ակումբը «Նյուքասլ Յունայթեդն» է, որը գտնվում է երկրի Հանրային ներդրումների հիմնադրամի վերահսկողության ներքո։