ՊՍԺ-ի նախկին հարձակվող Նեյմարը խոսել է Կիլիան Մբապեի հետ հարաբերությունների մասին։ «Ալ-Հիլալի» հարձակվողը հաստատել է, որ իսկապես տարաձայնություններ են եղել։
«Ես որոշ խնդիրներ ունեի Մբապեի հետ։ Մենք մի փոքր տարաձայնություններ ունեցանք, չնայած սկզբում ամեն ինչ լավ էր։ Նա եկավ իմ տուն, մենք միասին ընթրեցինք։ Բայց հետո, երբ Մեսսին եկավ, Կիլիանը սկսեց «խանդել», նա ամեն ինչ վերցրեց իր վրա, հենց այդ ժամանակ սկսվեցին վեճերը։ Կարծում եմ, որ այո, պատճառը Մեսսին էր»,- Նեյմարի խոսքերն է մեջբերում AlbicelesteTalk-ը։
Բրազիլացին ՊՍԺ-ում հանդես է եկել 2017-ից 2023 թվականներին: Փարիզյան գրանդի կազմում անցկացրած 173 խաղում Նեյմարը դարձել է 118 գոլի և 77 գոլային փոխանցման հեղինակ։
