Դոնարուման կարող է փոխել ակումբը

ՊՍԺ-ի դարպասապահ Ջանլուիջի Դոնարուման կարող է վերադառնալ Ա Սերիա․ իտալացու պայմանագիրը փարիզյան ակումբի հետ ավարտվում է հաջորդ ամառ, իսկ կողմերը դեռ համաձայնության չեն եկել նոր պայմանագրի շուրջ։

Ինչպես հայտնի է դարձել ինսայդեր Ջանլուկա դի Մարցիոյին, Միլանի «Ինտերը» վերահսկում է իրավիճակը և կարող է բանակցություններ սկսել Դոնարումայի հետ ընթացիկ մրցաշրջանի ավարտից հետո, եթե նա մինչ այդ չերկարաձգի պայմանագիրը։

25-ամյա դարպասապահը, սակայն, դեռ չի կողմնորոշվել իր ապագայի հարցում։

Ջանլուիջի Դոնարուման ՊՍԺ է տեղափոխվել 2021 թվականի ամռանը «Միլանից»՝ ազատ գործակալի կարգավիճակով։