«Մանչեսթեր Յունայթեդի» պաշտպան Հարրի Մագուայրը զրկվել է մեքենա վարելու իրավունքից։ BBC-ի հաղորդմամբ, Բոլթոնի դատարանը Մագուայրին 56 օրով արգելել է վարել տրանսպորտային միջոց։
Բացի այդ, ֆուտբոլիստը տուգանվել է 666 ֆունտով։ Նա նաև պետք է վճարի 120 ֆունտ դատարանի ծախսերի և 266 ֆունտ լրացուցիչ տուրքի համար։
Մագուայրի պատիժը կապված է անցած տարվա մարտի 5-ին տեղի ունեցած միջադեպի հետ։ Տեսախցիկները ֆիքսել են, որ ֆուտբոլիստը իր Range Rover մեքենայով վարում էր 85 մղոն ժամում արագությամբ այն հատվածում, որտեղ առավելագույնը թույլատրվում է 50 մղոն ժամում։
Ընթացիկ մրցաշրջանում 31-ամյա անգլիացին «կարմիր սատանաների» կազմում մասնակցել 17 հանդիպման՝ դառնալով 1 գոլի հեղինակ։
