ՊՍԺ-ն պատրաստ է Բիլբաոյի «Ատլետիկին» վճարել 60 միլիոն եվրո՝ 22-ամյա վինգեր Նիկո Ուիլյամսին ձեռք բերելու համար: Այս մասին հայտնում է Estadio Deportivo-ն։
Աղբյուրի համաձայն՝ փարիզյան ակումբի գլխավոր մարզիչ Լուիս Էնրիկեն հետաքրքրված է իսպանացի ֆուտբոլիստով, քանի որ չի կարողացել համապատասխան փոխարինող գտնել Կիլիան Մբապեին, որն անցյալ ամառ հեռացել է թիմից։ Ինքը՝ Ուիլյամսը, չի ցանկանում հեռանալ «Աթլետիկից» և որոշել է ներկայում մերժել այլ ակումբների բոլոր առաջարկները։
Այս մրցաշրջանում Ուիլյամսը բոլոր մրցաշարերում մասնակցել է 23 հանդիպման՝ դառնալով 2 գոլի և 5 գոլային փոխանցման հեղինակ։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2027 թվականի ամառը: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 70 միլիոն եվրո:
