Աշխարհի ակումբային առաջնության վիճակահանությունը կկայանա հինգշաբթի՝ դեկտեմբերի 5-ին։ Արարողությունը տեղի կունենա Մայամիում (ԱՄՆ) և կսկսվի Երևանի ժամանակով 22։00-ին։
Մրցաշարը նորացված ձևաչափով կանցկացվի հաջորդ տարվա հունիսի 15-ից հուլիսի 13-ը ԱՄՆ-ում։ Պատմության մեջ առաջին անգամ մրցաշարին կմասնակցեն 32 ակումբներ։
2025 թվականի Աշխարհի ակումբային առաջնության վիճակահանության համար զամբյուղները.
Զամբյուղ 1. «Ռեալ Մադրիդ», «Մանչեսթեր Սիթի», «Բավարիա», ՊՍԺ, «Ֆլամենգո», «Ֆլումինենսե», «Պալմեյրաս», «Ռիվեր Փլեյթ»
Զամբյուղ 2. «Չելսի», «Բորուսիա Դորտմունդ», «Ինտեր», «Յուվենտուս», «Պորտու», «Ատլետիկո Մադրիդ», «Բենֆիկա», «Զալցբուրգ»
Զամբյուղ 3. «Ալ-Հիլալ» ,«Ուլսան», «Ալ-Ահլի», «Վիդադ», «Մոնտերեյ», «Լեոն», «Բոկա Խունիորս», «Բոտաֆոգո»
Զամբյուղ 4. «Ուրավա Ռեդս», «Ալ-Այն», «Էսպերեանս», «Մամելոդի», «Պաչուկա», «Սիեթլ», «Օքլենդ», «Ինտեր Մայամի»
Որտեղ կկայանան հանդիպումները
2025 թվականի ֆուտբոլի ակումբային Աշխարհի առաջնության եզրափակիչ խաղը կանցկացվի Նյու Ջերսի նահանգում գտնվող «ՄեթԼայֆ Սթեդիում» մարզադաշտում, հայտնում է Ֆուտբոլի միջազգային ֆեդերացիայի (ՖԻՖԱ) մամուլի ծառայությունը: Խաղը տեղի կունենա հուլիսի 13-ին։ Նույն մարզադաշտը կընդունի նաև Աշխարհի առաջնության եզրափակիչը, որը կանցկացվի ԱՄՆ-ում, Կանադայում և Մեքսիկայում: 2025 թվականի ակումբային Աշխարհի առաջնության խաղերը, որը կանցկացվի նոր ձևաչափով, կընդունեն ԱՄՆ 12 մարզադաշտեր։ Հանդիպումները կանցկացվեն Ատլանտայում, Ցինցինատում, Մայամիում, Նեշվիլում, Նյու Ջերսիում, Շառլոտում, Օրլանդոյում, Լոս Անջելեսում, Ֆիլադելֆիայում, Սիեթլում և Վաշինգտոնում:
Լրացուցիչ տրանսֆերային պատուհան
ՖԻՖԱ-ն հայտարարել է, որ ֆուտբոլում լրացուցիչ ամառային տրանսֆերային պատուհան է լինելու։ Նորամուծությունը կապված է Աշխարհի ակումբային առաջնության հետ։ Լրացուցիչ տրանսֆերային պատուհանը կգործի 2025 թվականի հունիսի 1-ից մինչև հունիսի 10-ը, մինչդեռ մրցաշարը մեկնարկում է հունիսի 15-ին: Որոշումը պայմանավորված է նրանով, որ որոշ ֆուտբոլիստների պայմանագրերը կարող են ավարտվել Աշխարհի ակումբային առաջնության ժամանակ։ Այսպիսով, ակումբները կկարողանան փոխարինողներ գտնել հեռացող ֆուտբոլիստներին մինչև մրցաշարի մեկնարկը:
