«Ալ-Սադի» գլխավոր մարզիչ Չավին ասել է, որ «Բարսելոնայի» հարձակվող Լիոնել Մեսսին ֆուտբոլի պատմության լավագույն խաղացողն է:
«Ռոնալդինյոն լավագույն ֆուտբոլիստների մակարդակին էր: Հավանաբար, նա գագաթնակետին մնալու կայունություն չուներ: Ինձ համար միայն Մեսսին է ավելի բարձր, քան Ռոնալդինյոն, քանի որ վերջին տարիներին նա միշտ կայուն է:
Մեսսին լավագույնն է պատմության մեջ, իսկ նրան հետևում է Ռոնալդինյոն: Մնացածը հետևում են նրանց: Ռոնալդինյոն նույն շարքում է, ինչ Ռոնալդոն և Կրիշտիանու Ռոնալդուն», — մեջբերում է Չավիին Goal-ը:
Ավելի վաղ Marca իսպանական հրատարակությունը հարցում է անցկացրել իր ընթերցողների շրջանում՝ հարցնելով, թե ով է համարվում բոլոր ժամանակների լավագույն ֆուտբոլիստը:
