Մադրիդի «Ռեալը» նախատեսում է կենտրոնական և աջ պաշտպանի հետ պայմանագիր կնքել: Այս մասին հայտնում է լրագրող և ինսայդեր Ֆաբրիցիո Ռոմանոն իր YouTube ալիքի փոդքաստում։
Աղբյուրի համաձայն, «Ռեալը» ակտիվ կլինի տրանսֆերային շուկայում ինչպես հունվարին, այնպես էլ ամռանը։ Նշվում է, որ ձմեռային տրանսֆերային պատուհանի առաջնահերթ թիրախը կենտրոնական պաշտպանն է, ում անունը չի նշվում։ Իսկ ամառային տրանսֆերային շրջանում «Ռեալի» գլխավոր թիրախը «Լիվերպուլի» աջ պաշտպան, անգլիացի Տրենտ Ալեքսանդր-Առնոլդն է։
Ավելի վաղ հաղորդվում էր, որ «Ռեալը» դիտարկում է Անչելոտիին հեռացնելու տարբերակը, եթե նա չբարելավի թիմի արդյունքները։ Իտալացի մասնագետին փոխարինելու հիմնական թեկնածուն համարվում է «Բայերի» մարզիչ Խաբի Ալոնսոն։
Չեմպիոնների լիգայի մրցաշարային աղյուսակում Մադրիդի «Ռեալը» չորս տուրից հետո վեց միավորով զբաղեցնում է 17-րդ տեղը: Միաժամանակ Իսպանիայի առաջնությունում Արքայական ակումբը երկրորդ տեղում է՝ 11 խաղից հետո վաստակած 24 միավորով և առաջատար «Բարսելոնային» զիջելով 9 միավորով։
