Մադրիդի «Ռեալի» գլխավոր մարզիչ Կառլո Անչելոտին դժգոհ է թիմի աստղային նորեկ Կիլիան Մբապեի խաղից, հայտնում է Give me Sport-ը։
Աղբյուրի համաձայն՝ «Լոս Բլանկոսի» մարզիչն այս մրցաշրջանի տարբեր հանդիպումներում Մբապեից ավելին է պահանջել։ Իտալացուն հիասթափեցրել է ֆրանսիացու՝ թիմի պաշտպանական գործողություններին չմասնակցելը։
Գերաստղի անկարողությունն օգնելու իր թիմակիցներին, երբ վերջինս տիրում էր գնդակին, հատկապես նկատելի էր մարզչի համար «Բարսելոնայի» դեմ խաղում: Այդ ժամանակից ի վեր, Անչելոտին Մբապեին անվանել է «Ռեալի» ամենամեծ խնդիրը՝ այն անհավասարակշռության պատճառով, որը թիմում առաջացել է Կիլիանի գալով:
Լա Լիգայի այս մրցաշրջանում Մբապեն Մադրիդի «Ռեալի» կազմում անցկացրել է տասը հանդիպում և դարձել 6 գոլի հեղինակ։ 25-ամյա ֆրանսիացին մադրիդյան ակումբին միացել է ամռանը ազատ խաղացողի կարգավիճակով:
