Խաղային ուիքենդը մեկնարկած է։ Ֆուտբոլային տոնից «զերծ» չեն մնալու նաև մեր ընտրանու ֆուտբոլիստները։
Այսօր՝ սեպտեմբերի 27-ին, Ռուսաստանի Պրեմիեր լիգայի 10-րդ տուրի շրջանակում «Ռուբինը» կհյուրընկալվի «Ֆակելին»։ Հյուրերի կազմում է հանդես գալիս մեր ընտրանու կիսապաշտպան Ուգոչուկվու Իվուն։ Զուգահեռաբար ընթանալու է Լեհաստանի առաջնության 10-րդ տուրը, որտեղ Վահան Բիչախչյանի «Պոգոնը» հյուրընկալվելու է «Կատովիցեին»։
Եվս մեկ անգամ վայելենք Բիչախչյանի խփած փայլուն գոլը
Սեպտեմբերի 27
Ռուսաստանի Պրեմիեր լիգա
20։00 «Ֆակել» — «Ռուբին»
Ուգոչուկվու Իվու
Լեհաստանի Էստրակլասա
20։00 «Կատովիցե» — «Պոգոն»
Վահան Բիչախչյան
Վաղը՝ սեպտեմբերի 28-ին, «հայաֆիկացված» հանդիպումն էլ ավելի շատ են լինելու։ Ցերեկային ժամերին կկայանա Չինաստանի Սուպերլիգայի 27-րդ տուրում Վարազդատ Հարոյանի «Ցինդաո Ուեսթ Քոսթը» կհյուրընկալվի «Շանհայ Իսթ Էյշիային»։
Դրանից հետո Գերմանիայի Բունդեսլիգայի 5-րդ տուրում Մյունխենգլադբախի «Բորուսիան» սեփական հարկի տակ կընդունի «Ունիոնին»։ Մյունխենգլադբախյան թիմի կազմում հանդես է գալիս Հրանտ Լեոն Ռանոսը, չնայած վերջին շրջանում 21-ամյա ֆուտբոլիստը կամ չի հայտավորվում խաղերին, կամ էլ, լավագույն դեպքում մնում է պահեստայինների նստարանին։
ՌՊԼ-ի շրջանակում կկայանա մոսկովյան դերբի՝ «Լոկոմոտիվի» և «Սպարտակի» մասնակցությամբ։ «Երկաթգծայինների» վերջին խաղում Նաիր Թիկնիզյանը խաղադաշտը լքել էր բժիշկների օգնությամբ, իսկ Էդգար Սևիկյանն աչքի էր ընկել գոլային փոխանցմամբ։ Դեռևս պարզ չէ Թիկնիզյանի մասնակցությունն առաջիկա խաղին։
Տուրում կա ևս մեկ հետաքրքիր հանդիպում․ միմյանց կհանդիպեն 1-ին հորիզոնականի համար պայքարող «Կրասնոդարն» ու Սանկտ Պետերբուրգի «Զենիթը»։ «Ցուլերի» կազմում սպասում ենք Էդուարդ Սպերցյանի և Գեորգի Հարությունյանի խաղադաշտ դուրս գալուն։
Դե, էլ ինչ հայկական ֆուտբոլային խաղացանկ առանց Մխիթարյանի «Ինտերի»։ «Ներաձուրիները» Ա Սերիայի 6-րդ տուրում կհանդիպեն «Ուդինեզեին»։
Աստղաբաշխական գումարների ներդրում ունեցած Սաուդյան Արաբիայի առաջնության 5-րդ տուրում էլ Լուկաս Սելարայանի «Ալ Ֆաթեհը» ուժերը կչափի «Ալ Ահդոուդի» հետ։
Սեպտեմբերի 28
Չինաստանի Սուպերլիգա
14։00 «Շանհայ Իսթ Էյշիա» — «Ցինդաո Ուեսթ Քոսթ»
Վարազդատ Հարոյան
Բունդեսլիգա
17։30 «Բորուսիա Մյունխենգլադբախ» — «Ունիոն»
Հրանտ Լեոն Ռանոս
Ռուսաստանի Պրեմիեր լիգա
17։30 «Լոկոմոտիվ» — «Սպարտակ»
Նաիր Թիկնիզյան
Էդգար Սևիկյան
20։30 «Կրասնոդար» — «Զենիթ»
Էդուարդ Սպերցյան
Գեորգի Հարությունյան
21։00 «Ռոստով» — «Ակրոն»
Խորեն Բայրամյան
Արթուր Գալոյան
Ռումինիայի առաջնություն
17։45 «Պոլիտեխնիկա Յասի» — «Ունիվերսիտատ Կլուժ»
Արթուր Միրանյան
Ա Սերիա
19։00 «Ուդինեզե» — «Ինտեր»
Հենրիխ Մխիթարյան
Սաուդյան Արաբիայի Պրեմիեր լիգա
19։30 «Ալ Ֆաթեհ» — «Ալ Ահդոուդ»
Լուկաս Սելարայան
Հունգարիայի առաջնություն
21:30 «Դեբրեցեն» — ՄՏԿ
Ժիրայր Շաղոյան
Սեպտեմբերի 29
Բունդեսլիգա 2
15։30 «Քյոլն» — «Կառլսրուե»
Սարգիս Ադամյան
Ռումինիայի առաջնություն
«Բուզաու» — «Ֆարուլ»
Նարեկ Գրիգորյան
Սեպտեմբերի 30
Արգենտինական Պրիմերա
04։00 «Լանուս» — «Խիմնասիա Լա Պլատա»
Նորբերտո Բրիասկո Բալեկյան
