«Պլիմութի» գլխավոր մարզիչ Ուեյն Ռունին խոսել է ֆուտբոլում իր հավակնությունների մասին։
«Իմ ձգտումն է զբաղվել ֆուտբոլով։ Երբ ես դադարեցի խաղալ, նույն օրը ես սկսեցի մարզչական աշխատանքը «Դերբիում»: Հետո ես կարճ ընդմիջում ունեցա՝ գուցե մեկ շաբաթ, նախքան կմիանայի «Դի Սի Յունայթեդին»:
Ես մի քանի ամիս արձակուրդ ունեի մինչև «Պլիմութին» միանալը, ինչը լավ էր: Դա ինձ ժամանակ տվեց մտածելու այն մասին, թե ինչ եմ արել որպես մարզիչ: Շատ օգտակար էր ժամանակ անցկացնելը [այսպես], բայց գործի վերադառնալու ծարավը մեծ էր: Ես նրանցից չեմ, ովքեր ցանկանում են հեռանալ ու տանը նստել։ Որոշ խաղացողներ, որոնք խաղացել են ամենաբարձր մակարդակով, չեն ցանկանում այլ բան փորձել, բայց ես ուզում եմ դա անել: Ես ուզում եմ մեծ մարզիչ լինել»,- Ռունիի խոսքերն է մեջբերում The Guardian-ը։
