«Մանչեսթեր Սիթիի» հարձակվող Լերոյ Սանեն կորոնավիրուսի դեմ պայքարի համար 500 հազար եվրո է նվիրաբերել: Այս մասին հայտնում է Daily Star-ը:
Գումարը փոխանցվել է կորոնավիրուսից տուժած ընտանիքներին ու բժշկական սարքավորումների գնմանը:
«Ժամանակն է համախմբվելու:Միացեք We kick Corona ֆոնդին: Բոլոր նվիրատվությունները կփոխանցվեն բարեգործական կազմակերպություններին, որոնք դրա կարիքն ունեն: Մենք կարող ենք, մենք պետք է ներդրում ունենանք, որպեսզի հնարավորիս շուտ հաղթահարենք այս իրավիճակը: Եկեք օգնենք նրանց, ովքեր օգնում են մյուսներին: Բոլորին շատ շնորհակալություն»,- գրել է Սանեն Instagram-ի իր էջում:
We kick Corona ֆոնդը ստեղծել են «Բավարիայի» ֆուտբոլիստներ Ջոշուա Կիմիպն ու Լեոն Գորեցկան: