Մյունխենի «Բավարիայի» մարզական տնօրեն Մաքս Էբերլը թիմի համար լավագույն տարբերակը համարում է իտալական «Բրայթոնի» գլխավոր մարզիչ Ռոբերտո Դե Ձերբիի նշանակումը։ Այս մասին հայտնում է գերմանական Bild հրատարակության լրագրող և ինսայդեր Քրիստիան Ֆալկը։
Աղբյուրի համաձայն՝ Դե Ձերբին, չնայած «Բրայթոնում» մնալու ցանկությանը, տարաձայնություններ ունի բրիտանական ակումբի ղեկավարության հետ, ուստի մյունխենցիների մարզական տնօրենը դիտարկում և աշխատում է իտալացի մասնագետին նշանակելու ուղղությամբ։ Հաղորդվում է նաև, որ զգալի առաջընթաց չի գրանցվել Հանս-Դիտեր Ֆլիկի հետ բանակցություններում, որը դեռևս ակումբում նշանակվելու լրատվամիջոցների ֆավորիտն է:
«Բավարիան» ավելի վաղ հայտարարել էր, որ թիմի գլխավոր մարզիչ Թոմաս Տուխելը մրցաշրջանի ավարտից հետո կլքի թիմը։ Տեղեկություն կար, որ սրանից հետո Ավստրիայի հավաքականի գլխավոր մարզիչ Ռալֆ Ռանգնիկը հրաժարվել է գլխավորել մյունխենյան թիմը։ «Բավարիան» մերժել է նաև Խաբի Ալոնսոյին և Յուլիան Նագելսմանին։
