Դիտմար Համանը խոսել է Հարի Քեյնի ապագայի մասին։
Ամռանը «Բավարիային» միացած անգլիացի հարձակվողի գործող պայմանագիրը նախատեսված է մինչև 2027 թվականը: Այս մրցաշրջանում մյունխենյան ակումբը 11 տարվա մեջ առաջին անգամ զիջեց Գերմանիայի չեմպիոնի տիտղոսը «Բայերին»։
«Կարծում եմ, եթե «Բայերը» պահպանի թիմը, նրանք, հավանաբար, կսկսեն Բունդեսլիգայի հաջորդ մրցաշրջանը որպես ֆավորիտ: Հայտնի չէ, թե ով կլքի «Բավարիան», նրանք դեռևս մարզիչ չունեն։ Մոտ 50 տարվա ընթացքում առաջին անգամ «Բավարիան» ֆավորիտ չէ, և ոչ մի երաշխիք չկա, որ Քեյնը կհաղթի առաջնությունը հաջորդ տարի:
Նա պետք է որոշում կայացնի։ Չեմ կարծում, որ ակումբը շահագրգռված է նրան վաճառել։ Նրա տեղափոխությունը թանկ կարժենա այլ ակումբների համար: Չգիտեմ, թե ով կարող է հետաքրքրություն ցուցաբերել. նշվում էր «Մանչեսթեր Յունայթեդը», «Չելսին» նույնպես հարձակվող կցանկանար գնել։ Պայմանագրում նշում են նաև կետ, ըստ որի՝ նա կարող է վերադառնալ «Տոտենհեմ»։ Այս պահին դրա մասին ակնարկներ չկան, բայց շատ խնդիրներ կան, քանի որ «Բավարիան» մարզիչ չունի, մենք չգիտենք, թե ինչ կլինի [Չեմպիոնների լիգայի] «Ռեալի» հետ կիսաեզրափակիչում, ուստի պետք է հետևել դրան։ Նա պետք է անի այն, ինչ ճիշտ է իր համար:
Նա պայմանագիր ունի «Բավարիայի» հետ, ուստի նրանք կարող են ասել. «Մենք չենք պատրաստվում քեզ վաճառել, դու կարող ես մնալ այստեղ»: Կամ՝ «եթե ինչ-որ մեկը մեզ վճարի այն գումարը, որը մենք խնդրում ենք, և 20, 30 կամ 40 միլիոնը, ապա միգուցե մենք մտածենք դրա մասին», դա բոլորովին այլ պատմություն է: Կարծում եմ, որ նրա տեսանկյունից անհանգստանալու ոչինչ չկա, նա մեծ խաղացող է և իր կարիերայի ընթացքում չափազանց շատ բան է արել ֆուտբոլի համար, որ տեղափոխվի «Բավարիա» և մեկ մրցաշրջան հետո վերադառնա»,-Գերմանիայի հավաքականի նախկին ֆուտբոլիստի խոսքերն է փոխանցում Goal-ը։
