«Բարսելոնայի» գլխավոր մարզիչ Չավին կիսվել է իր հույզերով Չեմպիոնների լիգայի 1/4 եզրափակչի վերջին խաղից հետո, որում կապտանռնագույնները 1:4 (ընդհանուր 4:6) հաշվով պարտվել են ՊՍԺ-ին և դուրս մնացել եվրոպական ակումբային գլխավոր մրցաշարից:
«Մենք վրդովված և զայրացած ենք։ Արաուխոյի խաղը լիովին ոչնչացրեց ոչ-ոքին այս խաղում: Դա կարմիր քարտ չէր: Ինձ համար դա այդպես չէ: Ֆուտբոլի համար լավ չէ, երբ խաղադաշտում 10 խաղացող է մնում։ Դա աղետ էր։ Մրցավարը փչացրեց ամեն ինչ»,- X սոցցանցում (նախկին Twitter) Չավիի խոսքերն է մեջբերում լրագրող Ֆաբրիցիո Ռոմանոն։
Հիշեցնենք, որ 29-րդ րոպեին «Բարսելոնայի» կենտրոնական պաշտպան Ռոնալդ Արաուխոն տուգանային գծի մոտ գցել է Բարկոլին ու ուղիղ կարմիր քարտ ստացել վերջին հույսի խախտման համար։ Երկրորդ խաղակեսում Չավին նույնպես կարմիր քարտ է ստացել՝ չափից դուրս էմոցիոնալ լինելու համար։
