Մադրիդի «Ատլետիկոյի» հարձակվող Ալվարո Մորատան խոսել է Իսպանիայի Լա լիգայի 19-րդ տուրում «Ժիրոնայից» կրած արտագնա պարտության մասին (3։4)։
«Մենք հաղթելու հնարավորություն ունեինք, բայց ի վերջո պարտվեցինք: Հիմա մենք պետք է նորից նայենք մեր խաղին և բարելավենք այն, դա միշտ կարելի է անել։ Եվս երկու մրցաշար ունենք, և դրանք պետք է ավարտին հասցնենք, այսօրվա հանդիպման մասին դժգոհելու, ողբալու և մտածելու ժամանակ չկա։ Մենք ցանկանում էինք հաղթել, տարին սկսել լավ արդյունքով, բայց չստացվեց, ուստի եկեք սկսենք գավաթային խաղից և հետո խաղանք Սուպերգավաթի տիտղոսի համար: Մենք պետք է բարելավենք մեր խաղը, և վաղը կշարունակենք մարզվել այս նպատակով»,- Մորատայի խոսքերն է փոխանցում Մադրիդի «Ատլետիկոյի» պաշտոնական կայքը։
Լա լիգայի 19-րդ տուրի «Ժիրոնա» — «Ատլետիկո» հանդիպումն ավարտվել է դաշտի տերերի հաղթանակով՝ ավելացված ժամանակում խփած վճռորոշ գոլով 4։3 հաշվով։ Հյուրերի հարձակվող Ալվարո Մորատան հեթ-տրիկի հեղինակ է դարձել՝ խփելով իր թիմի բոլոր գոլերը։ Հունվարի 6-ին «Ատլետիկոն» Իսպանիայի գավաթի խաղարկության շրջանակում արտագնա հանդիպում կանցկացնեն «Լուգոյի» հետ, իսկ հունվարի 10-ին «Ատլետիկոն» Իսպանիայի Սուպերգավաթի կիսաեզրափակիչ խաղում կմրցի Մադրիդի «Ռեալի» հետ։
