«Բավարիան» պատրաստ է Յուլիան Նագելսմանին անվճար բաց թողնել Գերմանիայի հավաքական։
Ավելի վաղ հայտնի էր դարձել, որ մյունխենցիների նախկին գլխավոր մարզիչը ազգային հավաքականում համանման պաշտոնի գլխավոր հավակնորդն է։
Թեև Նագելսմանը գարնանը ազատվեց «Բավարիայի» մարզչի պարտականություններից, նա դեռևս գործող պայմանագիր ունի ակումբի հետ։ Ըստ Bild-ի՝ «Բավարիան» պատրաստ է Յուլիանին բաց թողնել Գերմանիայի հավաքական՝ առանց փոխհատուցում պահանջելու։
Ակումբը պատրաստ է բաց թողնել Նագելսմանին երկու պայմանով. նախ, Գերմանիայի ֆուտբոլի ասոցիացիան (DFB) պետք է ընկերական խաղ անցկացնի, ինչի շուրջ համաձայնություն է ձեռք բերվել, երբ Հանս-Դիտեր Ֆլիկը նշանակվեց ազգային հավաքականի գլխավոր մարզչի պաշտոնում:
Երկրորդ պայմանն այն է, որ DFB-ն պետք է ամբողջությամբ վճարի Նագելսմանի աշխատավարձը։
Նշվում է, որ DFB-ի փոխնախագահ Հանս-Յոախիմ Վատցկեն կապվել է «Բավարիայի» հետ՝ հարցնելու ակումբին՝ արդյոք նրանք Նագելսմանին համապատասխան թեկնածու համարո՞ւմ են ազգային հավաքականի մարզչի պաշտոնում՝ ելնելով նրա հետ աշխատելու փորձից։ Միությունը դեռ պետք է համաձայնեցնի համագործակցության պայմաններն անձամբ մարզչի հետ։
