Հունաստանի ազգային Օլիմպիական կոմիտեն հայտարարել է, որ Օլիմպիայում ջահի բոցավառման և փոխանցավազքի արարողությունը կորոնավիրուսի տարածման պատճառով տեղի կունենա առանց հանդիսականի:
Միջոցառումը նախատեսված է մարտի 12-ին: Արարողությունը փակ կլինի նաև լրագրողների համար: ՄՕԿ-ն արարողության համար կհավատարմագրի 100 մարդ:
Փոխանցավազքի ամբողջ երթուղում համապատասխան մարմինները պետք է խստորեն հետևեն առողջապահության համաշխարհային կազմակերպության հրահանգներին: Ավելի վաղ հայտարարվել է, որ այդ միջոցառումը կանցկացվի այնպես, ինչպես նախատեսվում է, սակայն կձեռնարկվեն որոշ նախազգուշական միջոցներ: