«Բավարիայի» հարձակվող Հարի Քեյնը խոսել է տարբեր մակարդակների ճնշման մասին մյունխենյան ակումբում և «Տոտենհեմում», որտեղ անգլիացին անցկացրել է իր կարիերայի մեծ մասը:
«Այստեղ միանշանակ այլ ճնշում կա՝ համեմատած այն ամենի հետ, ինչ ես զգում էի «Տոտենհեմում»: Իհարկե, մենք ցանկանում էինք տիտղոսներ նվաճել «Տոտենհեմում», բայց եթե մի քանի խաղ անցկացնեիր առանց հաղթանակի, դա աղետ չէր:
«Բավարիայում» զգում ես, որ պետք է հաղթես յուրաքանչյուր խաղում: Առաջին երկու խաղերում մենք հաղթեցինք 4-0 և 3-1 հաշվով, և դեռևս որոշակի դժգոհություն կար մեր խաղից:
Սա աշխարհի ուժեղագույն ակումբներից մեկի անբաժանելի մասն է։ Բայց մենք լավ մեկնարկեցինք, ես սիրում եմ զգալ այս տարբեր հույզերը, և դա պատճառներից մեկն է, որ ցանկանում էի հեռանալ: Երբ մենք հավաքականներից վերադառնանք ակումբ, կսկսվի Չեմպիոնների լիգան, որն ակումբը հույս ունի հաղթել կամ գոնե հաղթելու լավ հնարավորություններ ունենալ: Այսպիսով, այստեղ մենք գնում ենք հանդիպումների, հավանաբար, տարբեր զգացմունքներով, քան այն է, ինչ ես ունեի նախկինում»,- Քեյնի խոսքերն է մեջբերում Independent-ը:
