«Բարսելոնայի» գլխավոր մարզիչ Չավի Էրնանդեսը բարձր է գնահատել կենտրոնական պաշտպան Ռոնալդ Արաուխոյի առաջնորդի հմտությունները։
Իսպանացի մասնագետը կարծում է, որ վաղ թե ուշ ուրուգվայցին կդառնա կատալոնական թիմի ավագը։
«Վաղ թե ուշ Արաուխոն կլինի «Բարսելոնայի» ավագը։ Նա ի ծնե առաջնորդ է, դա նրա արյան մեջ է: Ես արդեն անձամբ ասել եմ նրան, որ մի օր նա անպայման կդառնա «Բարսելոնայի» ավագը»,- Չավիի խոսքերն է մեջբերում Barca Universal-ը։
Հիշեցնենք, որ Արաուխոն մի քանի ամիս առաջ երկարաձգել էր պայմանագիրը «Բարսելոնայի» հետ, սակայն նոր պայմանագիրը դեռ չի գրանցվել։ Վերջին մրցաշրջանում Ռոնալդը երկու գոլային փոխանցում է կատարել Լա Լիգայում:
