Միլանի «Ինտերի» գործադիր տնօրեն Ջուզեպե Մարոտան նշել է, որ կորոնավիրուսի պատճառով խաղերի հետաձգումը կարող է հանգեցնել նրան, որ Ա Սերիայի ընթացիկ առաջնությունն ավարտին չի հասցվի.
«Հարկ է նշել, որ դեռևս իրավիճակի հաղթահարումը վատ է իրականացվում: Ամեն ինչ ավելի արագ պետք է լուծվի: Հինգշաբթի Ա Սերիայի ղեկավարությունը որոշեց, որ խաղերը պետք է անցկացվեն առանց հանդիսատեսի, իսկ արդեն ուրբաթ սպորտի նախարարը դեմ արտահայտվեց այս որոշմանը: Լիգայի նախագահը սխալ է թույլ տվել՝ առանց խորհրդակցության որոշում կայացնելով: Դա պարզապես անընդունելի է: Մենք ցանկանում ենք քննարկել ապագան, քանի որ այն, ինչ տեղի է ունենում այս պահին, անհանգստացնում է ինձ:
Եթե ուրիշ խաղեր էլ չեղարկվեն, մենք իսկապես կարող ենք չավարտել Ա Սերիայի ընթացիկ մրցաշրջանը: Մրցաշարն արդեն իսկ կորուստներ է կրում: Միայն մտածեք վնասվածքների ,որակազկումների ու նույնիսկ հոգեբանական կողմի մասին: Սա ստիպում է մտածել, որ ապագայում խաղացանկը շատ խիտ կլինի: Կարելի էր թիմերի քանակը 20-ից կրճատել 18-ի, որպեսզի գոնե ազատ օրեր ունենանք խաղացանկում՝ արտակարգ դեպքերի համար: Հիմա մենք անելանելի իրավիճակում ենք»,- Մարոտայի խոսքերն է փոխանցում La Gazzetta dello Sport-ը:
