«Վալենսիայի» գլխավոր մարզիչ Ջենարո Գատուզոն մեկնաբանել է ակումբում տրանսֆերների բացակայությունը։
«Ե՞րբ տրանսֆերներ կլինեն։ Ես էլ եմ սպասում, ինչպես երկրպագուներն ու լրագրողները (ծիծաղում է)։ Ակումբը գիտի, որ ես կիսապաշտպանի կարիք ունեմ։ Չնայած ամեն ինչին՝ կշարունակեմ աշխատել։
Խոսել ենք նաև բարձրակարգ խաղացողների մասին, որոնց ձեռք բերել հնարավոր չէ, որովհետև անհրաժեշտ թվեր չեն տալիս։ Ես բաց եմ ցանկացած տեղափոխության համար, բայց պիտի լինի իմ ուզած որակի խաղացող։ Եթե նորեկը չի խաղացել ու մենք պիտի սպասենք մինչև նա տեմպ հավաքի, ապա նման խաղացողին ձեռք բերելու համար արդեն ուշ է։
Ո՞ւմ կցանկանայի թիմում տեսնել։ Ունիվերսալ կիսապաշտպանի, որը կարող է խաղալ բոլոր դիրքերում»,- Գատուզոյի խոսքերն է փոխանցում Mundo Deportivo-ն։
