«Ռեյնջերսի» գլխավոր մարզիչ Սթիվեն Ջերարդը խոսել է Անգլիայի առաջնությունում աշխատելու ցանկության մասին:
Ֆրենկ Լեմպարդի մասին
«Ես հիանում եմ Ֆրենկով, ով «Չելսին» գլխավորեց աշխարհի գլխավոր լիգայում տրանսֆերներային արգելքի ընթացքում: Ես հպարտ եմ իմ նախկին խաղնկերոջով:
Իհարկե, մեզ համեմատում են, ինչպես համեմատում էին եր խաղալու ժամանակ, որպես ֆուտբոլիստ: Կարո՞ղ ենք միասին խաղալ: Ո՞վ էր ամենալավը: Սա դեռ քննարկվում է, բայց իրականությունն այն է, որ մենք բոլորովին այլ աշխատանք ունենք»:
Անգլիայի Պրեմիեր լիգայում Լեմպարդի հետ մրցակցության վերսկսման վերաբերյալ
«Համոզված եմ, որ Ֆրենկը նույնպես այդ մասին մտածում է: Բայց նաև կցանկանայի մրցակից դառնալ Ժոզե Մոուրինյոյի համար:
Ես հասկանում եմ, թե ինչու են մարդիկ ինձ համարում Կլոպի իրավահաջորդը: Ես երկար ժամանակ եղել եմ «Լիվերպուլի» ավագ, և երկրպագուների զգալի մասը ցանկանում է, որ ես վերադառնամ ակումբ: Բայց ես հասկանում եմ, որ նախ պետք է բավականին լավ մարզիչ դառնալ: Սեփականատերերը պետք է հասկանան, որ դուք հարմար եք:
Եթե ես ակումբը ղեկավարելու հնարավորություն ունենամ, ապա պետք է լիովին պատրաստ լինեմ: Պատրա՞ստ եմ հիմա: Հավանաբար՝ ոչ՛», — մեջբերում է Ջերարդին Daily Mail-ը:
