Իսպանիայի հավաքականի պաշտպան Ռոդրիգո Էրնանդեսը պատմել է ԱԱ-2022-ի խմբային փուլի 3-րդ տուրի՝ Ճապոնիայի դեմ խաղի մասին․
«Ծանր ու լարված պահ էր, բայց հիմա մենք լիովին վերականգնվել ենք։ Դա մի խաղ էր, որը մենք 10 րոպեում ձեռքներիցս բաց թողեցինք։ Մենք խուճապի էինք մատնվել, չեմ հերքի։ Հանդերձարանում ճնշող մթնոլորտ էր, բայց հիմա մենք լավ ենք, ծարավ ենք հաղթանակների և ուրախությամբ ենք մարզվում»,- Ռոդրիի խոսքերն է փոխանցում Marca-ն։
Խմբային փուլի 3-րդ տուրում Իսպանիայի հավաքականը 1-2 հաշվով պարտվեց Ճապոնիային, իսկ այդ խաղում Ռոդրին աշխարհի առաջնությունների նոր ռեկորդ սահմանեց փոխանցումների քանակով։ Նա թիմակիցներին 215 փոխանցում է կատարել, որոնցից 204-ը՝ ճշգրիտ։ Նրա փոխանցումների միջին ճշգրտությունը Ճապոնիայի դեմ խաղում կազմել է 94,88%:
