Դեկտեմբերի 1-ին մեկնարկել է Հայաստանի Առաջին խմբի առաջնության աշնանային հատվածի վերջին՝ 18-րդ տուրը, որի շրջանակում 4 հանդիպում է կայացել:
«Ուրարտու-2»-ը հյուրի կարգավիճակում ուժերը չափել է «Լեռնային Արցախ-2»-ի հետ և կամային հաղթանակ է տարել 2-1 հաշվով։ Հանդիպումը կայացել է Սիսիանի Քաղաքային մարզադաշտում:
Հանդիպման հաշիվը խաղի 2-րդ րոպեին բացել է երևանյան թիմի ֆուտբոլիստ Հարություն Ստեփանյանը՝ անվրեպ իրացնելով նշանակված 11-մետրանոցը: 69-րդ րոպեին Արամայիս Մարդիյանը հավասարեցրել է հաշիվը, իսկ «Ուրարտու-2»ին հաղթանակ է պարգևել Էրիկ Ասատրյանը՝ 90+2-րդ րոպեին խփած գոլի շնորհիվ:
«Ուրարտու-2»-ն, այսպիսով, կարողացել է հաղթանակով ավարտել առաջնության աշնանային հատվածը՝ անցկացրած 18 խաղերում ընդհանուր առմամբ վաստակելով 23 միավոր։
«Լեռնային Արցախ-2» — «Ուրարտու-2»՝ 1:2
Սիսիան, «Քաղաքային» մարզադաշտ
Մրցավար՝ Քաջիկ Արզումանյան
Գոլերը՝ Արամայիս Մարդիյան, 69 (Լեռնային Արցախ-2), Հարություն Ստեփանյան, 2 (11մ), Էրիկ Ասատրյան, 90 (Ուրարտու-2)
Օրվա մյուս խաղում «Արարատ-2»-ը կամային հաղթանակ է տարել «Շիրակ-2»-ի նկատմամբ: Ձորաղբյուրի մարզաբազայում կայացած հանդիպումն անցել է թանձր մառախուղի պայմաններում:
Հանդիպման 24-րդ րոպեին որոշում է կայացվել վատ տեսանելիության պատճառով ընդհատել հանդիպումը: Մեկ ժամից ավելի տևած դադարից հետո, թեև եղանակային պայմաններն այնքան էլ չբարելավվեցին, խաղը շարունակվել է: Արդյունքում, «Արարատ-2»-ը 2-1 հաշվով հաղթանակ է տարել:
«Արարատ-2» — «Շիրակ-2»՝ 2:1
գ․ Ձորաղբյուր, Մարզահամալիր
Մրցավար՝ Սարգիս Սարգսյան
Գոլերը՝ Աշոտ Քոչարյան, 77 (11մ), Թիմուր Պուխով, 87 (Արարատ-2), Սերգեյ Մանուկյան, 30 (Շիրակ-2)
Օրվա մյուս խաղում «Արարատ-Արմենիա-2»-ը 2-1 հաշվով հաղթել է «Փյունիկ-2»-ին: Հանդիպումը կայացել է Ավանի ֆուտբոլի ակադեմիայի 3-րդ խաղադաշտում:
«Արարատ-Արմենիա-2» — Փյունիկ Ակադեմիա՝ 2:1
Երևան, Ֆուտբոլի ակադեմիա՝ 3-րդ խաղադաշտ
Մրցավար՝ Վարդան Վարդումյան
Գոլերը՝ Ջեսսի Ջիդիմա Ակիլա, 69, 90 (Արարատ-Արմենիա-2), Ռոբերտ Գեգեդոշ, 40 (Փյունիկ Ակադեմիա)
Մեկ այլ խաղում էլ «Վեստ Արմենիան» 5 անպատասխան գնդակ է ուղարկել «Ալաշկերտ-2»-ի դարպասը: Էջմիածնի ֆուտբոլի ակադեմիայում կայացած խաղում տանտերերի կազմում դուբլ է ձևակերպել Վլադիմիր Մորգոևը, մեկական անգամ էլ աչքի են ընկել Արամ Լոռեցյանը, Յարոսլավ Մատվիենկոն և Չարլզ Մարկի Իկեչուկվուն:
«Վեստ Արմենիա» — «Ալաշկերտ-2»՝ 5:0
Էջմիածին, Ֆուտբոլի ակադեմիա
Մրցավար՝ Արաքսյա Սարիբեկյան
Գոլերը՝ Արամ Լոռեցյան, 44 (11մ), Վլադիմիր Մորգոև, 47, 75, Յարոսլավ Մատվիենկո, 65, Չարլզ Մարկի Իկեչուկվու, 71
Հայաստանի Առաջին խմբի առաջնության 18-րդ տուրի շրջանակում ևս 2 հանդիպում կկայանա այսօր՝ դեկտեմբերի 2-ին: «Գանձասարը» Կապանում կընդունի «ԲԿՄԱ-2»-ին, իսկ «Միկան» Երևանում կխաղա «Սյունիքի» հետ: Երկու հանդիպումն էլ կմեկնարկի ժամը 14:00-ին:
