Խորվաթ կիսապաշտպան Լուկա Մոդրիչը կարող է մինչև 2024 թվականը մնալ Մադրիդի «Ռեալում»։ Խաղացողի ապագայի մասին որոշում կկայացվի եկող տարի, բայց երկու կողմն էլ, միմյանց հանդեպ հարգանքից ելնելով, շուտ կավարտեն գործարքը համատեղ համագործակցությունը շարունակելու որոշման դեպքում։ Այս մասին գրում է AS-ը։
Մոդրիչը կարծում է, որ իր ֆիզիկական վիճակը թույլ է տալիս հանդես գալ թիմի հիմնական կազմում։ ԶԼՄ-ների հաղորդմամբ՝ խաղացողը կավարտի պրոֆեսիոնալ կարիերան, երբ չի կարողանա համապատասխանել ակումբի մակարդակին։
«Ռեալն» էլ իր հերթին ուզում է Մոդրիչին պահել ակումբի ենթակառուցվածքներում կարիերան ավարտելուց հետո։ Սեպտեմբերի 9-ին լրացել էր ֆուտբոլիստի 37-ամյակը։
Ավելի վաղ խորվաթ ֆուտբոլիստը ցանկություն էր հայտնել մինչև 2024 թվականը հանդես գալ ազգային թիմում։
