Յորդի Կրոյֆը պայմանագիր է կնքել «Բարսելոնայի» հետ և դարձել մարզական տնօրեն, հայտնում է ակումբի պաշտոնական կայքը։
Կրոյֆը կատալոնական թիմին միացել է նախորդ մրցաշրջանում՝ որպես միջազգային ֆուտբոլի բաժնի տնօրեն։
Հանձնաժողովի կազմում նա անցած երկու տրանսֆերային շրջաններում մասնակցել է ֆուտբոլիստների տեղափոխություններին։
48-ամյա Յորդին լեգենդար ֆուտբոլիստ և մարզիչ Յոհան Կրոյֆի որդին է։ Որպես ֆուտբոլիստ Յորդին «Բարսելոնայում» խաղացել է 1993-1996 թվականներին։