Ազգերի լիգայի շրջանակում կայանալիք Հայաստան-Իռլանդիա խաղից առաջ տեղի է ունեցել մեր ազգային թիմի գլխավոր մարզիչ Խոակին Կապառոսի նախախաղային մամուլի ասուլիսը.
C լիգայից B լիգա տեղափոխության մասին
Երբ C խմբից բարձրացանք B, ֆուտբոլիստները մեծ վստահւթյուն ձեռք բերեցին իրենց ուժերի նկատմամբ և նրանք արժանացել էին դրան։ Սա հիմար մարդիկ չեն հորինել ու մենք պատկերացնում ենք դժվարությունները։ Բայց մենք հավատում ենք մեր ֆուտբոլիստներին ու մեր երկրպագուների ու մեր երկրի օգնությամբ կփորձենք լավ խաղ ցուցադրել ու լինել համապատասխան բարձրության վրա։ Մենք լավ ֆուտբոլիստներ ունենք ու ամենաբարձր մակարդակի վրա մրցակցում ենք։
2011 թվականի խաղում գրանցված արդյունքից հետո մոտիվացիայի մասին
Թիմը շատ մոտիվացված է և դա երևում է մարզումների ժամանակ ու շատ հեշտ է այս թիմին մոտիվացնել, որովհետև նրանք նվիրված են իրենց թիմին, իրենց երկրին ու մենք պիտի խաղից խաղ առաջ շարժվենք։ Պետք է շատ մեծ խանդավառությամբ սպասենք խաղին, բնականաբար, մեծ հարգանքով վերաբերվելով մրցակցին, որը շատ լավ ֆուտբոլիստներ ունի իր կազմում։
Նորվեգիայի խաղի արդյունքին մասին
Չեմ ուզում, որ ինձ հիշեցնեք այդ խաղը, իհարկե, ծանր հարված էր բոլորիս համար, բայց կփորձենք առաջխաղացում ունենալ այդ պարտությունից հետո և հուսանք, որ այս պարտությունը կծառայի նրան, որ մեր թիմն առաջընթաց գրանցի։
Կազմի մասին
Բնականաբար, կարող էին լինել այլ ֆուտբոլիստներ ազգային առաջնությունից։ Այն խաղի համար, որ ուզում ենք ստանալ այս հանդիպումներին, ունենք 4 հարձակվող, այնպես որ մեր ցուցակը վատը չէ, սակայն միշտ էլ կարելի է քննարկել ու դա լավ նշան է, որ մարզասերներն ու լրագրողները հարցեր են բարձրացնում դրա վերաբերյալ։
Ստանիսլավ Բուչնևի և Արամ Հայրապետյանի մասին
Բնականաբար, մեր ցուցակը կազմելիս ելնում ենք վաղվա հանդիպումից։ Դուք խոսում եք ցուցակից, բայց մեզ հետաքրքիր է խաղը։ Մենք՝ որպես մարզիչներ, պարտավոր ենք տեղեկանալ ակումբից ֆուտբոլիստի մասին, Բուչնևը վաղուց ուներ այդ վնասվածքը, բայց հիմա բարձր ռիթմով մարզվում է։ Այժմ նրա ֆիզիկական վիճակն ավելի լավ է, քան հավաքականի նախորդ հավաքի ժամանակ։
Մենք նկատում ենք բոլոր այն ֆուտբոլիստներին, որոնք կարող ենք հագնել հավաքականի մարզաշապիկը։
Իռլանդիայի հավաքականի մասին
Լավ հավաքական է։ Շատ բարձրակարգ թիմերում ենք հանդես գալիս նրանց խաղացողները։ Հարգում ենք նրանց, սակայն մենք էլ մեր ֆուտբոլային առաքինություններն ունենք և այս բարձրակարգ թիմերի դեմ պիտի գրագետ թիմային խաղ ցուցադրենք։ Մեզ համար ճոխություն է B լիգայում հանդես գալն ու պիտի հաճույք ստանանք դրանից։ Իսկ մրցաշարը ցույց կտա, թե մինչև ուր կարող ենք հասնել։ Ինչ վերաբերում է խանդավառությանը, մրցակիցները մեզ դրանով չեն գերազանցի։ Տասը օրվա ընթացքում 4 հանդիպում անցկացնելը պարզապես բարբարոսություն ու խելագարություն է։
Տնային խաղի առավելության մասին
Իհարկե, նման մրցաշարում առաջին խաղը տանն անցկացնելը շատ կարևոր է, բայց անկախ այս խաղի արդյունքից ևս 3-ն ունենք, բայց պիտի քայլ առ քայլ առաջ շարժվենք։ Պետք է 100% կոնցենտրացիայով խաղալ վաղը, ապա մտածել հաջորդ խաղերի մասին։
9-0-ից հետո հրաժարական չտալու մասին
Գոյություն ունի պայմանագիր, որը պետք է հարգել։ Իմ երկրում մարդիկ սովորություն ունեն պայմանագիրը հարգելու, չգիտեմ՝ այստեղ ինչպես է։
Խոսք՝ երկրպագուներին
Վաղվա խաղին անհամբեր սպասում ենք։ Կփորձենք հաճույք ստանալ B լիգայից, որտեղ Հայաստանի հավաքականն առաջին անգամ է խաղալու։ Կփորձենք առավելագույնն անել ու ուրախություն պարգևել հայ երկրպագուներին։
