Թուրինի «Յուվենտուսի» հարձակվող Կրիշտիանու Ռոնալդուն Իտալիայի Ա սերիայի 22-րդ տուրի «Ֆիորենտինայի» դեմ խաղում (3-0) դուբլ ձևակերպեց։
Այսպիսով, պորտուգալացի հարձակվողի հաշվին պաշտոնական խաղերում արդեն 722 գոլ կա։
Ռոնալդուն շրջանցել է Գերդ Մյուլլերին, ում հաշվին 720 գոլ կար ու դուրս է եկել մաքուր երրորդ տեղ բոլոր ժամանակների լավագույն ռմբարկուների ցուցակում։ Այս մասին գրում է լրագրող Տանկրեդի Պալմերին Twitter-յան իր էջում։
Երկրորդ հորիզոնականում Ռոմարիոն է 734 գոլով։ Առաջատարը Պելեն է, ով կարիերայի ընթացքում 767 գոլ է խփել։
