«Միլանը» ձևակերպել է «Ցրվենա Զվեզդայի»18-ամյա հարձակվող Մարկո Լազետիչի տրանսֆերը։
Բուժզննումից և խաղացողի հետ պայմանագիր կնքելուց հետո պայմանագիրը պաշտոնապես ուղարկվել է Սերիա Ա։ Լազետիչը պայմանագիր է կնքել մինչև 2026 թվականը և ընտրել է «22» համարի մարզաշապիկը։
«Միլանը» «Ցրվենա Զվեզդային» վճարել է 4 միլիոն եվրո, սերբական ակումբը կստանա նաև խաղացողի ապագա վաճառքից ստացված գումարի 10 տոկոսը։
2021/22 մրցաշրջանում Լազետիչը Սերբիայի առաջնությունում անցկացրել է 14 հանդիպում՝ դառնալով 1 գոլի հեղինակ։