«Արարատ-Արմենիայի» պաշտպան Սերգեյ Վակուլենկոն dynamo.kiev.ua-ին տված հարցազրույցում խոսել է Հայաստանի և Ուկրաինայի հավաքականների մասին։
«Հայերը տաքարյուն բնավորություն ունեն, և չի զարմացնում, որ Հայաստանի հավաքականը բնավորություն ցույց տվող թիմ ունի։
Իհարկե, նրանց գլխավոր աստղը Մխիթարյանն է, սակայն կան նաև Բունդեսլիգայում և Լա Լիգայում հանդես եկող ֆուտբոլիստներ։
Ամեն դեպքում, Ուկրաինայի հավաքականի ֆուտբոլիստներն ավելի բարձր խաղամակարդակ ունեն։ Կարևորն այն է, որ նրանք չթերագնահատեն իրենց մրցակիցներին։
Ես կարծում եմ, որ դա տեղի չի ունենա, հաշվի առնելով այն փաստը, թե ինչպիսի թիմերում են հանդես գալիս հավաքականի խաղացողները»,- նշել է ուկրաինացի ֆուտբոլիստը։