Հռոմի վճռաբեկ դատարանը մերժել է Բրազիլիայի հավաքականի նախկին հարձակվող Ռոբինյոյի փաստաբանների բողոքարկումն ու հաստատել խմբակային բռնաբարության համար ֆուտբոլիստին 9 տարվա ազատազրկման դատապարտելու վճիռը։ Այս մասին հաղորդում է Ge.globo-ն։
2017-ի նոյեմբերին Բրազիլիայի հավաքականի նախկին խաղացողը դատապարտվել էր 9 տարվա ազատազրկման այն պատճառով, որ 2013-ի հունվարի 22-ին Իտալիայում մասնակցել էր գիշերային ակումբում 23-ամյակը նշող ալբանացի աղջկա խմբակային բռնաբարությանը։
2020-ի հոկտեմբերին Ռոբինյոն միացել էր իր հարազատ «Սանթոսին», բայց հասարակության բողոքների պատճառով ընդամենը 4 օր անց նրա պայմանագիրը խզվել էր։
Իր կարիերայի ընթացքում Ռոբինյոն հանդես է եկել այնպիսի անվանի ակումբներում, ինչպիսիք են Մադրիդի «Ռեալը», «Մանչեսթեր Սիթին», «Միլանը» և «Սանթոսը»։