Չեմպիոնների լիգայի խմբային փուլի 2-րդ տուրում «Միլանը» սեփական հարկի տակ ընդունել է «Ատլետիկոյին» և 1-2 հաշվով պարտություն կրել;
Հանդիպման հաշիվը բացվել է առաջին կեսում: 20-րդ րոպեին Ռաֆաել Լեաուն է աչքի ընկել խփած գնդալով ու առաջ մղել միլանցիներին: 29-րդ րոպեին, սակայն, տանտերերը մնացել են 10 հոգով:Երկրորդ դեղին քարտով խաղադաշտից հեռացվել է կիսապաշտպան Ֆրանկ Կեսյեն:
Երկրորդ խաղակեսում պատկերը փոխվել է: Մասնավորապես, խաղավարտին՝ 84-րդ րոպեին, Անտուան Գրիզմանը հավասարեցրել է հաշիվը, իսկ երկրորդ կեսին ավելացված 7-րդ րոպեին Սուարեսը, անվրեպ իրացնելով նշանակված 11-մետրանոցը, գոլի հեղինակ է դարձել ու հաղթանակ պարգևել մադրիդցիներին:
B խմբի մյուս խաղում «Լիվերպուլը» հյուրընկալվելիս մրցել է «Պորտուի» հետ և 5-1 հաշվով ջախջախիչ հաղթանակ տարել:
Հանդիպման հաշիվը բացվել է առաջին կեսում: 18-րդ րոպեին աչքի է ընկել Մոհամդեդ Սալահը: Առաջին կեսի վերջնամասում մերսիսայդցիների երկրորդ գոլը հեղինակել է Սադիո Մանեն: 60-րդ րոպեին Սալահը դուբլ է ձևակերպել: 74-րդ րոպեին «Պորտուի» հարձակվող Մեհդի Տարեմին խփել է իր թիմի միակ գնդակն այս խաղում: 3 րոպե անց Ռոներտո Ֆիրմինոն խփել է «Լիվերպուլի» 4-րդ գնդակը, իսկ 81-րդ րոպեին դուբլի հեղինակ է դարձել՝ ձևակերպելով հանդիպման վերջնահաշիվը:
Երկու տուրից հետո «Լիվերպուլը», իր ակտիվում ունենալով 6 միավոր, գլխավորում է B խմբի մրցաշարային աղյուսակը: «Ատլետիկոն» 4 միավորով երկրորդն է, «Պորտուն» 1 միավորով գտնվում է 3-րդ տեղում: «Միլանը» դեռ ոչ մի միավոր չի վաստակել: