«Դինամոյի» նախկին դարպասապահ ու Հայաստանի ազգային հավաքականի դարպասապահների մարզիչ Ռոման Բերեզովսկին մեկնաբանել է «Լայպցիգի» ու «Չելսիի» հետաքրքրվածության մասին տեղեկությունը մոսկովյան թիմի երիտասարդ ֆուտբոլիստ Արսեն Զախարյանի նկատմամբ:
-Մարդը նման երիտասարդ տարիքում ուղղակի գերազանց իրեն ներկայացրեց այս կես տարվա ընթացքում,- ասել է Բերեզովսկին: -Նրա համար տեղափոխությունը, իհարկե, քայլ առաջ կլիներ: Եթե Զախարյանը համաձայնի այդ տեղափոխությանն ու արագ ամրապնդվի, դա կնշանակի, որ նա ներքին լավ պոտենցիալ ունի:
-Որոշ տեղեկություններով` «Չելսին» ու «Լայպցիգը» պատրաստ են խաղացողի համար 12 մլն եվրո վճարել: Դա ադեկվա՞տ գումար է:
-Գիտեք, այդ ակումբներում լուրջ ֆունկցիոներներ են աշխատում: Դրա համար էլ մտածում եմ, որ ադեկվատ է: Եթե «Դինամոն» որոշի այդ գումարով բաժանվել Զախարյանից, դա նրանց համար կորուստ կլինի: Լիովին հնարավոր է, որ այդ խաղացողն ավելի թանկ արժե: Չեմ կարող ասել, թե գիտեմ շուկայական արժեքները: Այն, որ նրա տարիքում նման խաղային մտածելակերպ կա, դա շատ լուրջ տաղանդ է: Հասկանալի է, որ նա քիչ-քիչ պետք է մկանային զանգված ձեռք բերի: Բայց ապագայում, եթե նա այս մակարդակի մոտիվացիա ունենա, այդ ակումբները, որ հիմա պատրաստ են 12 մլն եվրո տալ, այդ ժամանակ նրա համար մեծ փողեր կարող են տալ:
