«Միլանը» որոշել է չշտապել թիմի խորվաթ հարձակվող Անտե Ռեբիչին վաճառելու հարցում, տեղեկացնում է Frankfurter Rundschau-ն:
Իտալական ակումբը արդեն սկսել էր բանակցությունները Ռեբիչի նախկին թիմի՝ «Այնտրախտի» հետ, սակայն, թիմի ղեկավարությունը որոշել է չդիմել այդ քայլին:
Ա Սերիայի 20-րդ տուրի շրջանակում կայացած «Ուդինեզեի» դեմ խաղում Ռեբիչը լավ տպավորություն է թողել ՝ դառնալով 2 գոլի հեղինակ:
Նշվում է, որ տրանսֆերի շուրջ բանակցությունները դադարեցված են:
Հիշեցնենք, որ Ռեբիչը Ա Սերիայի այս առաջնությունում մասնակցել է 9 հանդիպման ՝ դառնալով 2 գոլի հեղինակ: