Մոսկվայի «Լոկոմոտիվը» պատրաստվում է լրջորեն թարմացնել կազմը, հայտնում է լրագրող Նոբել Առուստամյանը իր տելեգրամյան ալիքում։
Թիմի սպորտային բաժնի ղեկավար Ռալֆ Ռանգնիկը կազմել է այն խաղացողների ցուցակը, որոնց անպայման պետք է գնել այս ամառային տրանսֆերային պատուհանի ընթացքում: Ցուցակում ներառված են Արսեն Զախարյանը, Սերգեյ Պինյաևը և Նաիր Տիկնիզյանը:
Ռանգնիկն առաջին հերթին ցանկանում է հենց այս ֆուտբոլիտներին տեսնել իր թիմում։ Ըստ Առուստամյանի, «Լոկոմոտիվի» ղեկավարությունը փորձել է կապ հաստատել «Դինամոյի» ղեկավարների հետ` Զախարյանի տրանսֆերի վերաբերյալ: Սակայն այս պահի դրությամբ ոչինչ չի ստացվել. «Դինամոն» չի պատրաստվում վաճառել Արսենին, հատկապես ՌՊԼ-ի մեկ այլ ակումբի:
«Լոկոմոտիվը» ցանկանում է ձեռք բերել նաև Տիկնիզյանին: Հայտնի է, որ Նաիրը կարող էր տեղափոխվել Չերկիզովո նախորդ մրցաշրջանի վերջում: Սակայն այն ժամանակ նա երկարաձգեց պայմանագիրը ԲԿՄԱ-ի հետ։ Բայց «Լոկոմոտիվն» այժմ կրկին փորձում է ձևակերպել այս տրանսֆերը:
Առուստամյանը նշում է, որ կողմերը շատ մոտ են գործարքի իրականացմանը: «Լոկոմոտիվն» այժմ բանակցություններ է վարում ինչպես ԲԿՄԱ-ի, այնպես էլ Տիկնիզյանի հետ: Շուտով պաշտոնապես կարող է հայտարարվել տրասնֆերի մասին: