Հայաստանի հավաքականի պաշտպան Վարազդատ Հարոյանը խոսել է Իսպանիայում հարմարվելու և «Տամբովի» ֆինանսական խնդիրների մասին՝ Match TV-ին տված հարցազրույցի ժամանակ:
«Ինձ դուր են գալիս «Սևիլյան» և «Ատլետիկոն»: Սկզբում դժվարություններ կային, բայց ես հայ թարգմանիչ ունեմ, ով ապրում է Իսպանիայում: Թիմի որոշ խաղացողներ լավ են խոսում անգլերեն, այնպես որ այժմ խնդիրներ չկան: Ես կամաց-կամաց սովորում եմ իսպաներեն խոսել: Ես արդեն հասկանում եմ այն ամենը, ինչ պետք է հասկանալ մարզումների ընթացքում:
Երբ տեղափոխվեցի Տամբով, ֆինանսական խնդիրներ դեռ չկային, հետո ամեն ինչ սկսվեց: Երբ խաղացողները հինգ-վեց ամիս չեն ստանում իրենց աշխատավարձը, դա ազդում է խաղի վրա: Ես կցանկանայի, որ Ռուսաստանում նման պատմություններ չլինեին, ինչպես Տամբովի հետ, որպեսզի ակումբները պարզապես չվերանային:
Երիտասարդ ֆուտբոլիստները դեռ կստանան իրենց փողերը, բայց կային մարզիչներ, ովքեր գումար չէին ստանում, և նրանց աշխատավարձերը նույնը չեն, ինչ ֆուտբոլիստներինը: Տամբովը լավ թիմ ուներ, լավ աշխատակազմ: Եթե փողի հետ կապված խնդիրներ չլինեին, ես ձեզ երաշխավորում եմ, որ մենք կմնայինք Պրեմիեր լիգայում»,- ասել է Հարոյանը:
Կարդացեք նաև՝ Յուրաքանչյուր հայ ֆուտբոլիստի համար երազանք է Մեսսիի կամ Սուարեսի պես խաղացողների դեմ խաղալը․ Հարոյան
Կապառոսը շատ լավ մարդ է՝ հարուստ կենսագրությամբ և հիանալի մարզչական կարիերայով․ Հարոյան