Հայաստանի ազգային հավաքականի պաշտպան Վարազդատ Հարոյանը պաշտոնապես ներկայացվել է որպես իսպանական «Կադիսի» ֆուտբոլիստ։ Կայացած մամուլի ասուլիսի ընթացքում Հարոյանը կիսվել է ակումբից ստացած իր տպավորություններով , ինչպես նաև խոսել նպատակների մասին․
«Անցած տարի «Կադիսը» հաղթեց «Ռեալին» և «Բարսելոնային», ու ես ցանկանում եմ անել ամեն բան, որ դա կրկնվի։
Ինձ հիանալի են ընդունել «Կադիսում» այստեղ գալուս առաջին իսկ րոպեից։ Խոակին Կապառոսն ինձ պատմեց «Կադիսի» մասին։ Հայաստանի հավաքականի խաղից հետո նա ինձ ասաց «Կադիս» տեղափոխվելու տարբերակի մասին, ու ես համաձայնեցի։ Նա ինձ պատմեց Անդալուզիայի մարդկանց մասին, ովքեր ինձ հիանալի ընդունեցին։ Բոլորը շատ ընկերական են իմ հանդեպ»,- ասել է Հարոյանը։
Նա նշել է, որ իրենք բարձրակարգ խաղացողներ ունեն թիմում ու լավ նախապատրաստական շրջան են անցկացնում․
«Ես ինձ շատ լավ եմ զգում այստեղ»,- ասել է նա։
