Հայկական արմատներով ռուս թենիսիստ Կարեն Խաչանովը դուրս է եկել Australian Open-ի երկրորդ շրջան` 4:6, 6:4, 7:6 (7:4), 6:3 հաշվով առավելության հասնելով Իսպանիայի ներկայացուցիչ Մարիո Վիլելյա-Մարտինեսի նկատմամբ: Խաղը 2 ժամ 51 րոպե է տևել:
Ռուսաստանի երրորդ ռակետը 1 կրկնակի սխալ է թույլ տվել ու 7 բրեյք-փոինթներից հաջող է իրացրել 2-ը: Աշխարհի 136-րդ ռակետի ակտիվում 6 էյս կա, 2 կրկնակի սխալ և 1 բրեյք:
Grand Slam-ի 2020 թվականի առաջին մրցաշարի երրորդ շրջան դուրս գալու համար Խաչանովը կմրցի Յասուտակա Ուտիյամա (Ճապոնիա) — Միկայել Իմեր (Շվեդիա) զույգի հաղթողի հետ:
Australian Open-ի գործող չեմպիոնը սերբ Նովակ Ջոկովիչն է: