Մադրիդի «Ռեալի» գլխավոր մարզիչ Կառլո Անչելոտին մադրիդյան թիմի ֆուտբոլիստների արձակուրդը 5 օրով կրճատել է: Այս մասին հայտնում է Marca-ն:
Զինեդին Զիդանը, որը նախկինում գլխավորում էր «Ռեալը», ֆուտբոլիստներին մինչև հուլիսի 12-ն արձակուրդ էր տվել, բայց Անչելոտին որոշել է փոխել գրաֆիկն ու ֆուտբոլիստներին խնդրել է հուլիսի 7-ին ներկայանալ մարզումների: Անչելոտին ցանկանում է առանձնակի ուշադրություն դարձնել այն խաղացողներին, որոնց ապագան մադրիդյան ակումբում դեռևս անորոշ է:
Անչելոտին 3 տարվա պայմանագիր է կնքել «Ռեալի» հետ: Իտալացի մասնագետն արդեն մարզել է «Ռեալը» 2013-ից 2015 թվականներին: Ակումբում իր առաջին իսկ մրցաշրջանում Անչելոտին թիմի հետ նվաճեց Չեմպիոնների լիգայի Գավաթը, որը 10-րդը դարձավ «Ռեալի» պատմության մեջ ու առաջինը՝ 2002 թվականից ի վեր: Այնուհետև Անչելոտին գլխավորել է «Բավարիան» և «Նապոլին», իսկ 2019 թվականին՝ «Էվերթոնը»: