Հուլիսի 24-ին Տոկիոյում կմեկնարկեն ամառային Օլիմպիական խաղերը: Ինչպես հայտնում է Kyodo գործակալությունը, առաջին մարզիկներն արդեն ժամանել են մրցավայր: Ավստրալիայի սոֆթբոլի կանանց հավաքականը խաղերից առաջ Տոկիոյում հավաք է անցկացնելու: Թիմը վայրէջք է կատարել «Նարիտա» միջազգային օդանավակայանում:
30 հոգուց բաղկացած թիմը նախապես պատվաստվել է կորոնավիրուսի դեմ: Նրանք 3 օր անցկացնելու են հյուրանոցում, ինչից հետո սկսելու են մարզումները: Ավստրալացիները մինչև Խաղերը 12 հանդիպում են անցկացնելու: Ապրիլին խաղերի կազմակերպիչները հայտնել են, որ մարզիկներին ու նրանց հետ մշտապես կապի մեջ գտնվող մարդկանց ամեն օր են թեստավորելու: Մարտի 20-ին էլ որոշվել է խաղերն առանց արտասահմանցի երկրպագուների անցկացնել:
Հունիսի սկզբին հայտնի կդառնա տրիբունաներում ճապոնացի երկրպագուների ներկայության հարցը: