«Յուվենտուսի» հարձակվող Կրիշտիանու Ռոնալդուն կարող է վերադառնալ «Մանչեսթեր Յունայթեդ»: Այս մասին հաղորդում է Mirror-ը:
Հաղորդվում է, որ պորտուգալացին կհեռանա թուրինյան ակումբից, եթե այս մրցաշրջանի ավարտին թիմը չնվաճի Չեմպիոնների լիգայի ուղեգիր: Կրիշտիանուի կարիերան շարունակելու տարբերակներից մեկը «Մանչեսթեր Յունայթեդն» է: Կարմիր սատանաների գլխավոր մարզիչ Օլե-Գունար Սուլշերը կապի մեջ է պորտուգալացու հետ և փորձում է համոզել նրան վերադառնալ մանչեսթերյան ակումբ: «Յուվենտուսը» պատրաստ կլինի չնչին գումարով վաճառել պորտուգալացուն ՝ աշխատավարձերի բեռը մեղմելու համար: Բացի այդ, Կրիշտիանուի պայմանագիրը «Յուվեի» հետ ավարտվում է մեկ տարի հետո:
Ակնկալվում է, որ Ռոնալդուն կդառնա թիմի ամենաբարձր վարձատրվող ֆուտբոլիստը «Մանչեսթեր Յունայթեդում»: