Իտալացի մասնագետ Լուչանո Սպալետին կդառնա «Նապոլիի» նոր գլխավոր մարզիչը։
Ակումբի նախագահ Աուրելիո Դե Լաուրենտիսն անձամբ է որոշում կայացրել Սպալետիին գլխավոր մարզչի պաշտոնում նշանակելու վերաբերյալ։ Նա այս պաշտոնում կփոխարինի Ջենարո Գատուզոյին, որին չի հաջողվի պահել պաշտոնը, անգամ եթե թիմը կարողանա ապահովել իր տեղը Չեմպիոնների լիգայում։
Սպալետին բանակցություններ է վարում Դե Լաուրենտիսի հետ խնդրահարույց դիրքերի վերաբերյալ, որոնք պետք է ուժեղացնել ամառային տրանսֆերային պատուհանի ընթացքում։ Այս մասին հայտնում է La Gazzetta dello Sport-ը։
Միակ հարցը ֆինանսական պայմաններն են մնում։ Աղբյուրը վստահեցնում է, որ Սպալետիի աշխատավարձը պետք է մոտ 3 մլն եվրո կազմի մրցաշրջանի համար։
Հիշեցնենք՝ իտալացու վերջին աշխատավայրը Միլանի «Ինտերն» է, որը նա գլխավորել է 2017-ից 2019 թվականներին։