Բելգիայի հավաքականի գլխավոր մարզիչ Ռոբերտո Մարտինեսը, ինչպես նաև «Ռեալի» ներկայացուցիչներչը, մեկնաբանել է լուրերը այն մասին, թե դարպասապահ Տիբո Կուրտուան խուճապի մեջ է եղել: «Բրյուգեի» հետ ՉԼ խմբային փուլի 2-րդ տուրի խաղում (2:2), Տիբոն փոխարինվել էր գաստրոէնտերիտի պատճառով:
«Կուրտուան հրաշալի վերականգնվում է:
Նա արդեն պատրաստ է շարունակելու մարզումները թիմի հետ: Տիբոն խուճապային նոպա չունի, բայց կարիք ունի 2 կգ քաշ վերականգնել: Տիբոյի մոտ ախտորոշել ու բուժել էին սուր գաստրոէնտերիտ, ինչն անհնար էր դարձրել «Բրյուգեի» հետ խաղն ավարտին հասցնելը»,- Մարտինեսի խոսքերն է մեջբերել The Sun-ը:
Եթե որևէ բարդություն չառաջանա, ապա Կուրտուան Բելգիայի հավաքականի մեկնարկային կազմում կմասնակցի Եվրո-2020-ի ընտրական փուլի՝ Սան-Մարինոյի ու Ղազախստանի հավաքականների հետ խաղերին (Հոկտեմբերի 10, 13՝ համապատասխանաբար):
