«Վերջին մի քանի շաբաթը ողողված էր նորություններով ու վիճակագրություններով այն մասին, որ ես դարձել եմ ֆուտբոլի պատմության ամենաարդյունավետ խաղացողը՝ շրջանցելով Պելեի 757 պաշտոնական գոլերի ռեկորդը։ Չնայած շնորհակալ եմ ճանաչման համար՝ հիմա ժամանակն է, որ բացատրեմ, թե ինչու չէի ընդունում այդ ռեկորդը մինչև այս պահը։
Իմ հավերժական և անվերապահ հիացմունքը պարոն Էդսոն Արանտես դո Նասիմենտոյի հանդեպ, ինչպես նաև իմ հարգանքը 20-րդ դարի կեսերի ֆուտբոլի նկատմամբ, ստիպում են ինձ հաշվի առնել, որ նա խփել է 767 գնդակ՝ նրա 9 գոլերը Սան Պաուլոյի պետական թիմում, ինչպես նաև այն մեկ գոլը, որ նա խփել է Բրազիլիայի ռազմական թիմի կազմում՝ ընդունելով որպես պաշտոնական գոլեր։ Այդ ժամանակվանից ի վեր աշխարհը շատ է փոխվել, ինչպես նաև փոխվել է ֆուտբոլը, բայց դա չի նշանակում, որ մենք կարող ենք պարզապես ջնջել պատմությունը ՝ ըստ մեր շահերի:
Այսօր, երբ ես իմ պրոֆեսիոնալ կարիերայում հասա 770-րդ պաշտոնական գոլի նշակետին, իմ առաջին խոսքերն ուզում եմ ուղղել Պելեին։ Աշխարհում չկա մի խաղացող, որը դաստիարակված չլինի ՝ լսելով նրա խաղերի, նրա գոլերի ու նվաճումների մասին պատմությունները, ու ես բացառություն չեմ: Եվ այդ պատճառով ես լի եմ ուրախությամբ ու հպարտությամբ, երբ ընդունում եմ այն գոլը, որն ինձ դասում է Աշխարհի լավագույն ռմբարկուների ցուցակի առաջին տեղում՝ շրջանցելով Պելեի ռեկորդը․ մի բան, որի մասին ես երբեք չէի կարող երազել՝ որպես Մադեյրայում մեծացած երեխա։
Շնորհակալություն բոլորին, ովքեր ինձ հետ մասնակցել են այս ապշեցուցիչ ուղևորությանը. իմ թիմակիցներին, իմ մրցակիցներին, ամբողջ աշխարհում այս գեղեցիկ խաղի երկրպագուներին, և ամենից առաջ, իմ ընտանիքին և մտերիմ ընկերներին. վստահե՛ք ինձ, երբ ասում եմ, որ առանց ձեզ չէի կարող սա անել։
Հիմա անհամբերությամբ եմ սպասում հաջորդ խաղերին ու հաջորդ մարտահրավերներին։ Հաջորդ ռեկորդներին ու տիտղոսներին։ Հավատացե՛ք, այս պատմությունը դեռ հեռու է ավարտվելուց: Ապագան վաղն է, և դեռ շատ բան կա հաղթելու «Յուվենտուսի» և Պորտուգալիայի համար:
Միացեք ինձ այս ուղևորությանը: Գնացի՛նք»,-գրել է Ռոնալդուն։