ՄՅՈՒ-ի հարձակվող Մարկուս Ռեշֆորդը պատմել է, որ Ժոզե Մոուրինյուի աշխատանքի շրջանն իր համար շատ կարևոր է եղել։ Պորտուգալացին ՄՅՈՒ-ն մարզել է 2016-2018 թվականներին։
«Շատ տարբեր ասպեկտներ կան, բայց Ժոզեի գլխավորությամբ անցկացրած ժամանակն ինձ համար սովորելու մեծ շրջան էր, ու զգում եմ, որ սկսել եմ ֆուտբոլն այլ կերպ հասկանալ, քան մինչ այդ էի հասկանում։
Ինձ համար բարդ ժամանակներ էին, բայց դրանք այն պահերն են, որոնք քեզ կամ ավելի ուժեղ են դարձնում, կամ կոտրում են։ Նրա՝ սովորեցնելու ոճը, գուցե, ինձ իդեալական չէր համապատասխանում, բայց այն հաստատ օգնեց ինձ ավելի լավը դառնալ ֆուտբոլային ու անձնական առումով։
Եթե կարող եք հաղթել 6-4 հաշվով, դուրս եկեք ու հաղթեք 6-4, բայց Ժոզե օրոք մենք սովորեցինք, որ 1-0 էլ է նույնը, ինչ 6-4-ը»,- Ռեշֆորդի խոսքերն է փոխանցում Manchester Evening News-ը։