Հայտնի են Հայաստանի հավաքականի մրցակիցները կիբերֆուտբոլի Եվրոպայի 2021 թ. առաջնության որակավորման փուլում:
Մեր ընտրանին ընդգրկվել է E խմբում, որտեղ կմրցի Սերրբիայի, Բոսնիա և Հերցեգովինայի, Ռուսաստանի և Մալթայի հետ:
Ազգային հավաքականների մասնակցությամբ ամենախոշոր կիբերֆուտբոլի մրցաշարի որակավորման փուլը կմեկնարկի 2021-ի սկզբին, իսկ եզրափակիչ հատվածը կկայանա հուլիսի 9-10-ը Լոնդոնում:
Որակավորման փուլում յուրաքանչյուր թիմ իր խմբի մյուս թիմերի հետ երկուական խաղ կանցկացնի: Խմբերի հաղթողները և երկրորդ տեղերը զբաղեցրած լավագույն 6 թիմերը դուրս կգան եզրափակիչ փուլ:
Հաղթողները կստանան Եվրո-2020-ի եզրափակիչ հանդիպման տոմսեր, որը կկայանա 2021 թվականի հուլիսի 11-ին Լոնդոնի «Ուեմլի» մարզադաշտում, ինչպես աև դրամական պարգևատրում:
