Հարձակվող Լուիս Սուարեսը չի ծրագրում լքել «Բարսելոնան» և ակնկալում է երկարաձգել պայմանագիրը:
Կատալոնացիների հետ ուրուգվայցի հարձակվողի գործող պայմանագիրն ավարտվում է 2021 թվականի հունիսին, բայց նա վստահ է, որ նա կշարունակի հանդես գալ ակումբում:
«Ես շատ ուրախ եմ այն ակումբում, որտեղ կարողացա հասնել ամեն ինչի», – ասել է Սուարեսը Sport-ին տված հարցազրույցում:
«Վիճակագրությունն ու ցուցանիշները խոսում են իմ օգտին: Կարծում եմ, որ պատրաստ եմ քննարկել պայմանագրի երկարաձգումը, և շուտով կստորագրեմ նոր պայմանագիր»:
Այս մրցաշրջանում 32-ամյա ֆուտբոլիստը 21 հանդիպում է անցկացրել կատալոնացիների մարզաշապիկով ՝ դառնալով 13 գոլի և 9 գոլային փոխանցման հեղինակ:
